Адоватнинг қора излари

БИСМИЛЛАҲИР РОХМАНИР РОХИЙМ

 Адабий-бадиий нашр

“АДОВАТНИНГ ҚОРА ИЗЛАРИ”

қисса

Муаллиф: Р.Абдуррахим ўғли         

Қиссага сўзбоши

   Инсоният оламидаги ҳаёт аталмиш инъом жуда мураккабликдан иборат. Ҳаёт ичидаги энг мураккаб  бўлган ҳолат эса бу – муомала ва муносабатдир. Чунки, ҳайвонот дунёсидаги муомала-муносабат муҳим ўрин тутмайди ва уларнинг муносабатлари ақлга асосланган эмас. Инсонлар орасидаги муносабатга эса ақлнинг таъсири мавжуд бўлиб, унинг дунё ҳаётидаги кўп жиҳатларга узвий боғлиқлиги бор. Оламда бўлаётган жангу-жадаллар, қонларнинг дарё-дарё бўлиб оқиши, болаларнинг етим-есир бўлишлари, одамларнинг бошпанасиз қолиб, ватанларидан жудо бўлишларининг сабаблари муносабатларнинг таранглигида деб айтсак муболаға бўлмайди.

   Инсониятнинг муомала-муносабати аввало ўзи туғилиб, вояга етаётган оила-хонадонида шаклланади. Кейин эса муҳити ичидаги мулоқотига рўбарў бўладиган одамлар орқали давом этиб боради. Шунинг учун оила аҳли ўсаётган авлодга биринчи масъул шахслар ҳисобланишади. Уларнинг юриш-туриши, таълим-тарбиясига муҳим иш деб қараш ўзини мусулмон санаган кимсаларга жуда ҳам зарурдир! Зеро муносабатларнинг бузилиши оламга, инсониятга таъсир этар экан, бу олам ва бутун оламлар Роббиси олдида жавобгарликни ҳис қилиб яшаш – иймонли инсонларни сергак тортдириши лозим!

   Муносабатларнинг илиқ ва осойишта бўлишини таъминлаш учун Робб Таъоло томонидан юборилган шарафли – Ислом инсониятга ато этилган-ки, ўша асосда истиқомат қилиш зарурати бор. Агар-ки, шахслар ва оилалар ўз муомалаларини ислом хулқига монанд ислоҳ этиб, тузатсалар муҳитнинг соғломлиги кучаяди. Ўзаро тарангликлар ва келишмовчиликлар иншааллоҳ бартараф бўлади.

   Ҳаёт – олдин яшаб ўтган тажрибали инсонлар таърифлаганларидек, паст-баландликлардан ташкил топгандир. Унинг расо йўли бўлгани каби, қинғир-қийшиқ ва чуқур-чақир ўринлари ҳам мавжуддир. Исломдек буюк сайқал билан сайқаллашган инсонлар, ўша ҳаётнинг барча паст-баландликларидан эсон-омон, сабру-матонат ва гўзал оқибатлар билан ўтишга меҳнат ҳамда жидду-жаҳд қилади.

   Ушбу қиссада биз ўша шахс ва оилаларда учраётган низолар, улардан таралаётган разолат ва қабиҳликларга, ҳамда иймонлари бус-бутун бўлганларининг орасида эса меҳр-оқибат қуёш нури янглиғ таралишининг шоҳиди бўламиз.    

 

Мундарижа

  1. Дебоча (1)

  2. Онасиз ўтган чақалоқлик (2)

  3. Янги она (3)

  4. Отасиз ўтган йиллар (4)

  5. Орага тушган совуқчилик (5)

  6. Сирли воқеа (6)

  7. Ҳаёт сўқмоқлари (7)

  8. Эгилган тол эгрилиги (8)

  9. Зарур танлов (9)

  10. Ҳиммат боғи (10)

  11. Ўргамчак уяси (11)

  12. Қозонга яқин юрсанг қораси... (12)

  13. Сирлар макони (13)

  14. Фалокат оёқ остида (14)

  15. Кутилмаган адоват (15)

  16. Хотима (16)

Хотима (16)

1862 Ko'rilgan

Момақалдироқнинг гумбурлаб урилишидан ва ойналарнинг унинг зарбидан зириллаб, ларзага тушишидан уйғониб кетган Ашраф ўзидан нарироқда турган ҳассасини базўр энгашиб олди. Тун яримлаган, ташқарида эса момақалдироқ ортидан ёмғир томчилари ёғишни бошлагани эшитилиб турарди. -Аҳрор, Аҳрор қаердасан ука?! Ашраф ҳассасига таяниб эшик томон юрди, эшикнинг олдидаги чироқ тугмачасини босди. Электр ўчирилгани боис чироқ ёнмади. У

Davomini o'qish »

Кутилмаган адоват (15)

1931 Ko'rilgan

Сардорнинг соғлиги табиб ташхис қўйганидек, кундан-кунга жиддийлашиб борар, бир кун яхши бўлиб кўринган Сардор кўп ўтмай яна дард ичига ўралиб қоларди. Ўша кунлари Ашраф уйига қатнаб турар, у шаҳарга келадиган кунлари онажониси унинг қилаётган сафарига ва Сардорнинг соғлигига-ю, шаҳарда ишлаётган Аҳрорга дуо қилиб қоларди. Уларга Аброрнинг ҳали ҳаёт эканлиги айтилмаган эди. Чунки, Сардорнинг бетоблиги Ашрафнинг бутун кайфиятини мувозанатдан чиқарган, Аброрни кўриб, у ва Мушфиқ бўлиб узоқ мулоқот қилишгач, уни яна Сардор тузалгунига қадар шаҳар четидаги икки шериги билан туриб, сабр этишга чақира олди холос. Вақти-соати

Davomini o'qish »

Фалокат оёқ остида (14)

1715 Ko'rilgan

Ашраф укаси Аҳрор шаҳарда ўқишга кира олмаса ҳам, Сардор тайинлаган иш билан банд бўлгани ва шаҳардаги Ашрафнинг уйига кўчиб ўтиб, яшаётгани уни хушнуд қилди. Айниқса, Аброрнинг тирик эканлиги хабари уни танасига сиғмас даражада хурсанд қилди. Мушфиқ кечагина шаҳардан ўша хабарни олиб келаркан, Ашраф уни бағрига босиб, хабар учун унга катта миннатдорчилик билдирди ва унга ишхонаси очилиш куни унга Сардор кийдирган чопонни олиб чиқиб кийдирди. -Сардор акам, нега ўзи телефонда айтмади?

Davomini o'qish »

Сирлар макони (13)

1737 Ko'rilgan

Толиб Мушфиқнинг берган кўрсатмасидан сўнг анча пайтлардан бери кўздан нари қилинган, аслида бу дунёдан риҳлат қилмаган Аброр турган шаҳар четидаги ҳовли уйга келди. Бу уй жуда кўркам жойда жойлашган бўлиб, икки шерик билан Аброрга ажратилган эди. Аброр уйида Аҳрорнинг тегажоқликларига чидай олмай қолгач, Ашрафнинг уйини кўргани келишганида Сардорга пинҳоний ёрилган ва дардини тўкиб солган эди. Ўшандан сўнг Мушфиқ билан келишиб қўйган Сардор уларнинг хонадони борасидаги катта ва аввалги тадбирга қўл уришган эди.

Davomini o'qish »

Қозонга яқин юрсанг қораси... (12)

1815 Ko'rilgan

Аҳрор шаҳарга келгандан кейин ишлари бу қадар орқага кетади деб, ўйламаган эди. Сардор уни назоратга олишини билгач, кўнгли чўкаётган эди. Толиб оғайниси билан кўришгач, уйига етаклаб бориб, чамадондаги пулларни кўргач ошиғимиз олчи бўлди, деб ичига сиғмай суюнаётган эди. Лекин бу шодликларнинг умри шу қадар қисқа экан-ки, ўша куни туниёқ ҳамма нарса ағдар-тўнтар бўлиб, умрида емаган калтакларни еди. Энг ачинарлиси ўша куни ҳушига келиб, ўзини англай бошлаганида оғайниси Толибни судраб келганлар тўдасининг қароргоҳида заҳли, қоронғу ва кимсасиз ертўлада ётарди. Унинг ҳушига келиши биланоқ савалашга тушишар, жавон ичидаги

Davomini o'qish »

Ўргамчак уяси (11)

2135 Ko'rilgan

Аҳрор Сардор билан олийгоҳга бориб, ҳужжатларини топшириб ўзининг йўналишига хос имтиҳон саволлари битилган қоғозларни олиб, Сардор билан уларникига қайтиб келаркан, ўзи кўзлаган ишларга қандай етишишни ўйларди. Толиб оғайниси билан кечқурун учрашни ўйлаб, юрагидаги баъзи ғашликлар тарқала бошлади. Кечқурун бўлгач жарида ўқиб ўтирган Сардордан бир оғайниси шу ерда ишлаётганини, у билан хуфтондан олдинроқ учрашишлари кераклигини айтиб, рухсат сўради. -Энди Аҳрорий укам, сен ўқишга шайланиш арафасида турибсан! Сен ўзинг қизиққанинг учун акангдан сўраб шу ерларга олиб келдим. Ҳадеб

Davomini o'qish »

Ҳиммат боғи (10)

1796 Ko'rilgan

Сардор айтилган пайтда Мушфиқнинг хонадони олдига етиб келганига хурсанд бўлиб, унинг ҳузурига чиқди. Ҳолатдан Аҳрорни хабардор қилмаслик учун ўзини сипо тутиб, дарвозани аста очиб ташқарига чиқди. Машинадан тушаётган Мушфиқ ва қайниука тарафга бурилиб, икки қўлини улар томонга очиб, жилмайиб гапирди. -Ие, ие келсинлар меҳмонлар! Келинг куёв тўра, кел Аҳрорий укам! – деб, очиқ чеҳра билан жилмайиб, иккисини ҳам навбат билан қучиб кўришди. Сардор Мушфиқ билан ҳоли қолгандагина уни сенлаб гапирарди, бошқалар олдида айниқса Ашрафлар оила-аъзоларининг олдида доимо сизлаб гапирар, ўзларининг яқин кишилар эканликларини сездирмас, фақат Ашраф куёв эканлиги ортидангина таниш

Davomini o'qish »

Зарур танлов (9)

1466 Ko'rilgan

Мушфиқ Ашрафларнинг хонадонига куёв бўлишидан аввал Сардор билан борди-келдиси бор йигит эди. Бир неча йиллар муқаддам Мушфиқнинг онаси Сардорнинг онаси тарафдан бўлган момоси билан дугона эдилар. Борди-келдилари илиқ эди, дунё эвазига эмас, ёшликдан оғир ва машаққатли кунларни кечириб улғайишгани учун қалин дугона бўлгандилар. Бу иноқлик ичида улғайган Сардорнинг онаси Мушфиқнинг онасини жуда яхши кўрарди. Шаҳарга ўқишга келгач ўзи зиёли бўлди ва зиёли кимса бўлган Сардорнинг отасига турмушга чиқди. Онаси ўтиб кетгач, уйига кам борса ҳам, барчасида Мушфиқнинг онасини кўриб, хабар олиб қайтарди.

Davomini o'qish »

Эгилган тол эгрилиги (8)

1516 Ko'rilgan

Аҳрорнинг ўша кунги режалари барбод бўлди. Акаси ва поччасини бу қадар орқасидан тушиб, каттакон шаҳардан ўзини топа олишини тасаввур ҳам қилмаган эди. Кеча акасининг уйига борганда уни соғинганини айтиб, у ерда тунаб қолмоқчи ва оғайнисини баҳона қилиб Ашрафдан пул ундирмоқчи эди. Аммо акаси уйига кетганини эшитиб, пайтавасига қурт тушди. Оғайнисига тезроқ бу ердан кетишлари зарурлигини айтди.

Davomini o'qish »

Ҳаёт сўқмоқлари (7)

1592 Ko'rilgan

Аброрни йўқотишдан сўнг уч-тўрт йил ўтган бўлсада, унинг ўлими воқеаси унга сирлигича қолди. Шокир уни уйига олиб борган куни, уйда йиғлаб ўтирган Васиқани, синглиси Зулфияни аёлларга ажратилган хонада кўрди. Васиқанинг ҳоли жуда ачинарли эди, лекин унга далда берувчи Салима хола борлиги анча манфаат бериб, мусибатга чидашни енгил ўтишини таъминларди. Васиқанинг иккинчи томонида эса Зулфия ўзи туққан қиздан-да меҳрибонлик қилиб, Аброрнинг фироқидан кўзи қизарганича намланиб турарди. У Васиқа, синглиси ва Салима хола билан таъзиялашиб, Аброрнинг

Davomini o'qish »