Хазиналар очқичи » Хазиналар очқичи 6

БИСМИЛЛАҲИР РОХМАНИР РОХИЙМ

ХАЗИНАЛАР  ОЧҚИЧИ 6

       Муаллиф: Р.Абдуррахим ўғли

       

      Сўз боши    

Оламлар подшоҳи, барча мулку-хазиналарнинг эгаси Аллоҳга хамд ва унинг росули, сўнгги элчиси Мухаммад Мустафога саловот-саломлар бўлсин!

   Ер шарида хазиналар жуда кўп. Хазиналарнинг турлари, кўринишлари ҳар-хилликдан иборат. Олтин-кумуш хазиналаридан ташқари ёқилғи манбаи бўлган нефт, газ сингари янги тадқиқ этилган хазиналар ҳам топилган. Демак аввалги асрларда хазина дейилса тушиниладиган хазиналардан бошқа хазиналар кашф ва ихтиро этилди. Аммо бу хазиналарнинг барчаси инсон манфаати учун фақатгина бу ўткинчи ҳаёт устидагина хизмат қилиб беради, агар Аллоҳ ҳоҳласа. Охират ҳовлисида эса айтиб ўтилган хазиналар тўғри тасарруф этилган тақдирдагина манфаат бериши мумкин. Уларни тўғри тасарруф этиш учун эса инсонга “илм” зарур бўлади. Шунинг учун илмни “хазиналар очқичи” деб номлаб, китобимизга ҳам шу аталишни бердикки, илм сабабли кўп хазиналар ихтиро қилинади. Илм яна хазиналарни тўғри тасарруф этишга кўмакчидир. У орқали нафақат ҳозир мавжуд бўлган хазиналар тўғри тасарруф этилади, балки у очқичлар сабабидан иншааллоҳ охиратда берилажак хазина-савобларга, мукофотларга  эришилади!

   Абу Ҳурайра розияллоҳу анҳу ривоят қилганлар: “Росулуллоҳ соллоллоҳу алайҳи васаллам: “Аллоҳ Таъоло менга сўзларнинг очқичларини ато этди ва душманлар қалбига даҳшат солиб, мени улар устидан ғолиб қилди. Ўтган кеча уйқумда Аллоҳ Таъоло менга ер хазиналари очқичларини ҳам ато этган эди, мен уларни қўлимга олдим”, дедилар. Абу Ҳурайра (розияллоҳу анҳу ушбу хадисдан сўнг сахоба биродарларига) шундай деган эканлар: “Росулуллоҳ соллоллоҳу алайҳи васаллам вафот этдилар, энди у очқичлар сизнинг қўлингизга ўтади”.

                                                                                                             (Бухорий ривояти)     

   Илмни  Хақ Таъоло инсон рухининг озуқаси қилиб берган, у зиёда бўлгани сари иймон бақувватлашиб, ўз эгасига улкан яхшиликлар олиб келади. “Хазиналар очқичи” рисоламизда иймон ва илмга, тўғрилик, савоб ишларга  тааллуқли хадислар, шеърлар, ҳикоятлар, латифалар, бош қотириб, изланиб топиш учун машқ ва топишмоқ-саволлар бериб борилади. Тафаккур ва таъаммул қилиш учун нақллар, мисоллар келтирилади.

Аллоҳ Хақ Табарока ва Таъоло бу ожизона бошлаётган ишимизга мададкор бўлсин, бу ишни хайрият ила ниҳоясига етказишимизга муваффақ этсин! “Хазиналар очқичи” номли рисолани ўқийдиган ҳар-бир мутаъаллимга Хақ Таъоло фойдали илм ато этиб, одоб-ҳулқи гўзал, тоатли ва билимли фарзандлар бўлишини насиб этсин!

 

Мундарижа

  1. Ҳаловат (шеър)
  2. Ҳаловат қалбга зарур неъмат

  3. Аллоҳга итоат этиш ортидан келажак ҳаловат

  4. Иймон ҳаловати ҳақида хадислар

  5. Ҳаловатдан йироқланиш

  6. Саволларга топингиз жавоб!

  7. Ер куррасини айланинг билим орқали!

  8. Аллоҳга қул бўлиш – тўғри йўл топишдир!

  9. Қуллик қилаётган банданинг вазифалари

  10. Нафс қуллиги

  11. Жонзотларга қуллик

  12. Жисмларга қуллик

  13. Аллоҳгагина қилайлик қуллик

  14. Топишмоқ – бошқотирмаларнинг жавобини топинг!

  15. Сўзларни кимларга тегишли эканлигини ажратинг!

  16. Қуйида келадиган сўзларни устунларга ажратиб мувофиқлаштиринг!

  17. Ҳикмат йўғрилган сўзлар

  18. Сўз ва гаплар ихтиро этиш

  19. Нуқталар ўрнини зарур рақамлар билан тўлдиринг!

  20. Ушбу сўзларни асос қилиб, ўзингиз ҳоҳлаган феълдан қўшиб жумла тузинг!

  21. Насиҳатлар мусулмонга нафдир бағоят!

  22. Чиройли тилаклар – муъминнинг кўрки

  23. Тоатга бўлингиз полвон! (шеър)

  24. Кўнгилхушлик нима?

  25. Манфаатли маслаҳатлар

  26. Хушмуомалага хос сўзлар мажмуаси

  27. Роббимиздан нимани сўрашни унутмаганимиз яхши

  28. Сўзлар орасидаги фарқларни ажратамиз!

  29. Панду-насиҳатлар

  30. Аллоҳнинг рахмат-марҳамати

  31. Ризқ маъносидаги рахмат

  32. Беморлик маъносидаги рахмат

  33. Оч-ташналикдан кейинги тўқлик маъносидаги рахмат

  34. Қаҳатчиликдан қутқарув Аллоҳнинг рахматидир

  35. Аллоҳнинг марҳаматини билмаган кўрнамаклар

  36. Хавф-хатардан кейинги маънодаги рахмат 

  37. Ҳимоя маъносидаги рахмат

  38. Ёмғир маъносидаги рахмат

  39. Иймонлиларга хос рахмат

  40. Ушбу дарёлар қаердан оқиб ўтишини топинг!

  41. Қуйидаги кўлларнинг қайси мамлакатга тегишли эканлигини топинг!

  42. Тоғ тизмалари қайси юртдан ўтганлигини аниқланг!

  43. Пайғамбар алайҳиссаломлар тарихидан

  44. Қайғу ва аламнинг ўзи нима?

  45. Қайғуни гўзал енгган Урва ибн Зубайр

  46. Урванинг қайғу синовига берган гўзал жавоби

  47. Бани Абслик киши матонати

  48. Дунёвий қайғу қилишнинг зарари

  49. Охират қайғусининг инсонга манфаати

  50.  БОШҚОТИРМА-ТОПИШМОҚЛАР

  51. Биз инсонлар нималарга бепарвомиз?

  52. Тун охиридаги нола

  53. Жонфидо кимсалар

  54. Оғир қайғуларга ҳам бардош ила турганлар

  55. Ийсо алайҳиссалом ва Дажжол ҳақида

  56. Дажжол ва пайғамбарлар ҳақида

  57. Пайғамбарларга берилган рахмат

  58. Роббнинг рахмати – ақлларни шоштирувчи мўжизадир

     

     

     

Роббнинг рахмати – ақлларни шоштирувчи мўжизадир

1695 Ko'rilgan

“Қасамки, агар Биз инсон зотига Ўз томонимиздан рахмат-марҳаматимизни тотдириб, сўнгра Ўзимиз уни тортиб олсак, у албатта ноумид ва ношукрлик қилиши шубҳасиздир. Қасамки, агар унга бирон зиён-заҳмат етганидан кейин Биз ноз-неъматларни тотдириб қўйсак, албатта у: “Барча ёмонликлар мендан нари кетди”, (энди ҳеч қачон қайтиб келмайди) дейди. Дарҳақиқат, у мағрур ва мақтанчоқдир. (Ҳуд;9-10-оятларнинг мазмунидан)

Davomini o'qish »

Пайғамбарларга берилган рахмат

1686 Ko'rilgan

“(Эй Мухаммад алайҳис-салом), Аллоҳ томонидан бўлган бир марҳамат сабабли уларга (саҳобаларингизга) юмшоқ сўзли бўлдингиз. Агар қўпол, қаттиқ дил бўлганингизда эди, албатта улар атрофингиздан тарқалиб кетган бўлар эдилар.Бас, уларни авф этинг, улар учун Аллоҳдан мағфират сўранг ва ишларингизда уларга маслаҳат солинг! Энди (маслаҳат қилгач, бирон ишни) қасд қилсангиз, Аллоҳга таваккал қилинг-суянинг! Албатта Аллоҳ Ўзига таваккал қилгувчиларни севади”. (Оли-Имрон; 159-оятнинг мазмунидан) “Бас, бандаларимиздан бир бандани топтиларки, Биз унга Ўз даргоҳимиздан рахмат (яъни, пайғамбарлик) ато этган ва Ўз ҳузуримиздан илм берган эдик”. (Кахф; 65-оятнинг мазмунидан)

Davomini o'qish »

Дажжол ва пайғамбарлар ҳақида

1811 Ko'rilgan

Ибн Умар розияллоҳу анҳу ривоят қиладилар: “Аллоҳ ҳақи, Росулуллоҳ соллоллоҳу алайҳи васаллам Исо алайҳиссаломни қизил (юзли) деб айтмаганлар, аксинча у зот бундай деган эдилар: “Бир маҳал мен уйқудалигимда Каъбани тавоф қилаётганимни кўрдим. (У ерда) буғдойранг, сочлари силлиқ бир киши икки киши ўртасида (уларга) суянган ҳолда кетиб борар эдилар, бошқалари сув томизар эди, (яъни, ўта покиза эди). Мен: “Бу киши ким бўладилар?” – дедим. “Марямнинг ўғли”, – дейишди. Сўнг, мен ўгирилиб қараган эдим, қизил (юзли), семиз, сочлари жингалак, ғилай ўнг кўзи гўёки сув бетида қалқиб турган узум донасидек (косасидан чиқиб кетай деб турган) бир кишига кўзим тушди. “Бу ким?” – деб эрдим, “Бу Дажжол” – дейишди. Унга энг ўхшаш киши – Ибн Қатандир”.

Davomini o'qish »

Ийсо алайҳиссалом ва Дажжол ҳақида

1604 Ko'rilgan

Абдуллоҳ розияллоҳу анҳу ривоят қиладилар: “Росулуллоҳ соллоллоҳу алайҳи васаллам кунлардан бир куни одамлар даврасида Масиҳ Дажжол хусусида эслатиб бундай дедилар: “Дарҳақиқат, Аллоҳ Таъоло ғилай эмас, Масиҳ Дажжолнинг эса, ўнг кўзи ғилай бўлиб, сув бетида қалқиб турган узум донаси каби чиқиб кетай деб туради. Кечаси уйқумда ўзимни Каъба ёнида кўрдим. (У ерда) кўриб юрилган буғдойранг кишилардан ҳам чиройлироқ бир буғдойранг

Davomini o'qish »

Оғир қайғуларга ҳам бардош ила турганлар

1645 Ko'rilgan

Ω Ийсо алайҳиссалом ўзи даволаган кимсаларнинг айнан ўзларидан озор-азият топгандилар. Ω Пайғамбар Мухаммад алайҳиссалом айнан амакиси Абу Лаҳаб ва кенаяси Умму Жамилнинг азиятларига дуч келганлар. Ω Абдуллоҳ ибн Аббос розияллоҳу анҳу кўзи ожиз бўлганда, тушкунликка тушмай кўзини Аллоҳ олсада, унинг нури қалбида эканлигини ва қалби сергак, ақли расо ҳамда сўзларини кескир шамшир каби эканлигини айтар эканлар.

Davomini o'qish »

Жонфидо кимсалар

1922 Ko'rilgan

∩ Абу Бакр розияллоҳу анҳу ҳижрат пайтида Росулуллоҳ саллолоҳу алайҳи васалламни ҳимоя қилиш учун жонини хатарга қўйди. ∩ Умар розияллоҳу анҳу одамлар ширин уйқудалик пайтида шаҳар айланиб, халқининг ҳолатидан хабар олди. Қаттиқ қаҳатчилик йилида одамларни тўйдириш учун очликдан эгилиб букилди. ∩ Усмон ибн Аффон розияллоҳу анҳу ўзи сотиб олган қудуқдан нари бориб, яшириниб одамлар кузагач сув ичиб юрди.

Davomini o'qish »

Тун охиридаги нола

1692 Ko'rilgan

Танувхий айтади: “Бағдод шаҳрининг катталаридан бири бир кампир аёлнинг мулкига тажовуз қилди, унинг нарсаларини тортиб олиб, мол-мулкини мусодара қилиб юборди. Кампир унинг жабр-зулмидан шикоят қилиб, вазир олдига йиғлаб борди. Вазирнинг пинагини ҳам бузмаганини кўрган кампирнинг жаҳли чиқиб: -“Мен сени дуоибад қиламан”, деди. Вазир истеҳзо билан кулиб деди:

Davomini o'qish »

Биз инсонлар нималарга бепарвомиз?

1688 Ko'rilgan

1. Илм орамиздаги маърифат эгаларида мавжуд-у, уни ўқиб-таълим олишга; 2. Ўлим ҳақ-у, унга ҳозирлик кўришдан; 3. Аъзо-таналар расо-ю, уни Аллоҳдан биз вафот этадиган палламизда меросхўр бўлишини сўрашликдан; 4. Умр кун ўтиши билан тугаб бормоқда-ю, солиҳ амал қилишликдан;

Davomini o'qish »

БОШҚОТИРМА-ТОПИШМОҚЛАР

1916 Ko'rilgan

А) Мезон тарозуси дейилганда нима кўзда тутилади? (АДОЛАТ) Б) Келбатнинг, қад-қоматнинг мукаммаллиги қандай қоматли дейилади? (АЛП ҚОМАТЛИ) В) Қулоғи оғир кимсанинг қулоғига нима битганлиги айтилади? (ТОМ)

Davomini o'qish »

Охират қайғусининг инсонга манфаати

1485 Ko'rilgan

Охират қайғуси энг зарурий ишлар юзасидан бўлиб, у кишининг ўзлигини танишда, ўзгаларни эътибор қилишда, ишларни саранжом----саришта қилишга эриштиради. Охират қайғуси қалбига тушган инсон – гуноҳдан сақланадиган, савоб-ажрли амалларни қилишга мустаҳкам бел боғлайдиган даражада уқувли бўлиб қолади. У дунёнинг икир-чикирларига ёниб куявермайдиган одамга айланади.

Davomini o'qish »